الله الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط الخافض الرافع المعز المذل السميع البصير الحكم العدل اللطيف الخبير الحليم العظيم الغفور الشكور العلي الكبير الحفيظ المقيت الحسيب الجليل الكريم الرقيب المجيب الواسع الحكيم الودود المجيد الباعث الشهيد الحق الوكيل القوى المتين الولى الحميد المحصى المبدئ المعيد المحيى المميت الحي القيوم الواجد الماجد الواحد الصمد القادر المقتدر المقدم المؤخر الأول الأخر الظاهر الباطن الوالي المتعالي البر التواب المنتقم العفو الرؤوف مالك الملك ذو الجلال والإكرام المقسط الجامع الغني المغني المانع الضار النافع النور الهادي البديع الباقي الوارث الرشيد الصبور
+7 (7222) 52-19-11
28 июля 2017 | | 20:44

ШҚО Семей аймағына қарасты бір мұнаралы «Ағаш» мешіт

1 270 Рет қаралған

image002(5)Смағұлтегі Заралхан Дүйсенбекұлы ( Түсіпбекұлы Аллаберген) 1937 –жылы дүниеге келген. 1945-жылдан 1955-жылға дейін мектептен 10-сынып бітірді. 1956—1957-оқу жылдары Семей облыстық мәдениет басқармасында 1 жылдық клуб меңгерушісі оқуын оқып, 1957- жылдан 1977- жылға дейін Аякөз аудандық мәдениет бөлімінде автоклуб меңгерушісі болды. 1977-78- жылы Аякөз қаласындағы кешкі жұмысшылар мектебінен 11-ші сынып бітірді. 1978-80- жылдар аралығында Семей облыстық № 1- мешіттен діни сауатын ашты. 1980- жылдан бастап осы уақытқа дейін (ширек ғасыр) Семей қаласындағы «Бір мұнаралы ағаш» мешіттің бас имамы.

Дін жолындағы жетістіктері үшін бірнеше алғыс хаттармен марапатталған:

ҚМДБ- ның Діни уағыз оқу-ағарту бөлімінен алғыс хат 2004 жылы, Семей әкімшілігінен мақтау қағазы, 2000—2005- дейін «Ислам нұры» газетінен бірнеше мақтау қағаздарын алған.

Сондай-ақ, Құранмен сунна жолын халық арасында уағыздап насихаттаумен шектелмей облыстық және Республикалық ақпарат құралдарында кеңінен жазып жүрген имамдардың бірі әрі бірегейі. Республикалық «Ислам және өркениет», облыстық «Ислам нұры», «Ертіс өңірі» газеттерінде дін тақырыбына жазған материалдары үзілмей жарияланып тұрады. Бүгінгі таңда «Ислам нұры» газетінің белсенді авторының бірі. «Шапағат нұры» журналында (2003 ж № 9, 10, 11, 12 және 2004 ж № 2,3,4,5,6 сандары) «Шариат берген аманат» атты жылдар бойы діни тәжірибесінен жинақталған көлемді еңбегі жарияланды.

Ал, осы еңбегі «Ислам әлемі» журналының (№ 6-7.2004ж) сандарында ықшамдалып, жарияланып, жыл қорытындысы бойынша оқырмандар арасында дінімізді насихаттауға байланысты ұйымдастырған бәйгесін жеңіп алды.

Тоғыз баланың әкесі. Барлығы жоғары білімді. Олар өмірден өз орындарын тауып әр салада қызмет істейді. Олардан 13 немере, 3 шөбере сүйіп отыр.

Тек, бір Аллаһ Таала қолдап 2006 және 2007-жылдары қасиетті Мекке-Мәдина қалаларында болып 2 рет қажылық парызын өтеген.

1993-жылы ҚМДБ-нан анықтама бұйрық № 567 18.10.1993 ж.берілді. Және Семей өңірі бойынша өкіл имамнан анықтама № 65 18.08.2001 ж. берілді.

2009-жылы ҚМДБ-ның төрағасы бас муфти Әбсаттар қажы Дербісәліден имамдыққа тағайындалған бұйрық № 237 19.03.2009ж. алды.

Ағаш мешіт

image004(4)Бұл ғибадат үйі 1867 жылы ағаштан салынған. Бұған дәлел 1969 жылы Орта Азия және Қазақстан мұсылмандары діни басқармасы шығарып тұрған «Советтік шығыс мұсылмандары» журналында Сәкен хазірет «Семипалаттағы мешіттер» деген мақаласында «Семейдегі бұл мешіт 1968 жылы Семейдің 250 жылдық мерекесінен 100 жыл бұрын салынған», -деп жазған. Осыған қарағанда бұл мешітке 140 жыл толып отыр.

500 адамдық бұл мешіттің мұнарасы – 20 м., күмбезі – 5 м., мешіт іші екі қабат, үш бөлмеден тұрады. Жерінің көлемі – 1188 кв.м. Ғасырдан асқан бұл шежірелі мешіт Семей өңіріндегі тарихи ғимараттардың бірі.

Байланыс телефоны 52-46-43