الله الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط الخافض الرافع المعز المذل السميع البصير الحكم العدل اللطيف الخبير الحليم العظيم الغفور الشكور العلي الكبير الحفيظ المقيت الحسيب الجليل الكريم الرقيب المجيب الواسع الحكيم الودود المجيد الباعث الشهيد الحق الوكيل القوى المتين الولى الحميد المحصى المبدئ المعيد المحيى المميت الحي القيوم الواجد الماجد الواحد الصمد القادر المقتدر المقدم المؤخر الأول الأخر الظاهر الباطن الوالي المتعالي البر التواب المنتقم العفو الرؤوف مالك الملك ذو الجلال والإكرام المقسط الجامع الغني المغني المانع الضار النافع النور الهادي البديع الباقي الوارث الرشيد الصبور
+7 (7222) 52-19-11
29 июля 2017 | | 00:49

«Қос мұнаралы мешіті»

1 541 Рет қаралған

Алтыбай Мақсат Қуанышұлы ҚМДБ-ның ШҚО Семей Аймағы бойынша Өкіл Имам

Алтыбай фото Бұрынғы Семей обылысы Абай ауданы Би ата  ауылында 1975 жылы 14 желтоқсан күні дүниеге келген.

1992 жылы  Түркия мемлекеті Бурса қаласындағы имам хатиб лицейнде 1994 жылға дейін діни білім алды.

1995 – 1996 жылдары Семей қаласы Қос мұнаралы орталық мешітінің жанындағы діни сауат ашу курсында оқыды.

1996 – 1998 жылдары Абай ауданы Құнанбай қажы мешітінде  азаншы болып қызмет атқарды.

1998 – 2000 жылдары Алматы қаласындағы 2 жылдық Ислам институтында білімін жалғастырды.

2000 – 2004 жыл аралығында Семей қаласы Қос мұнаралы орталық мешітінде найб имам қызмет атқарды.

2004 – 2007 жыл аралығында Алматы қаласындағы Нұр – Мүбарак Ислам мәдениет университетінің Исламтану мамандығы бойынша бітіріп шықты.

2007 – 2013 жыл 25 ші ақпанына дейін Семей қаласындағы Қос мұнаралы орталық мешітінде Найб имам болып қызмет атқарды.

2013 жылдың 25- ші ақпанынан бастап Қазақстан мұсылмандары діни басқармасының төрағасы Бас Мүфти Ержан қажы Малғажыұлы хазреттің бұйрығымен ҚМДБ- ның Семей аймағы бойынша өкіл имамы және Семей қалалық Қос мұнаралы орталық мешітінің бас имамы болып тағайындалды.

Үйленген 3 баланың әкесі.

 

image002(24)«Қос мұнаралы мешіті» Семей қаласында орналасқан. Құрылысы 1858 жылы Сүлейменов, Әбдешов, Рафиқов, Халитов деген есімді сол кездегі атақты көпестер қаражатымен басталып,1862 жылы салынған. Санкт-Петербург мемлекеттік тарихи мұрағатында осы мешіт жайында Семей қаласы мұсылмандарының бұрынғы өртеніп кеткен мешіт орнына жаңа мешіт салуды өтінген хаттары сақталған. Онда бұл мешіт «қалаға көрік берер еді, діни орталық болар еді» деп көрсетілген. 1897 жылы Василий Халитов деген көпес өз қаржысына ағаштан жасалған қос мұнараны кірпішке ауыстырып, мешітті қайта жаңғыртқан.

Осы мешіт ХІХ ғасыр басында-ақ бірте-бірте Тас мешіт деп аталып кеткен. Кеңес өкіметі кезінде мешіттің жұмысына тиым салынды. 1995 жылы Ұлы Абайдың 150 жылдығы қарсаңында ғана қайта іске қосылды. Жалпы, Қазақстан бойынша мұндай сәулетті архитектурамен салынған қос мұнаралы мешіт біреу-ақ. 2002 жылы қалалық әкімшілік, жергілікті кәсіпкерлер мен жұртшылық қолдауымен Қос мұнаралы мешіт күрделі жөндеуден өткізілді. Бастапқы архитектуралық үлгісін сақтай отырып жаңарған бұл ғимарат Семей қаласындағы тарихи көрікті орындардың біріне айналған.

image004(20)