Таң намазы

БЕС УАҚЫТ НАМАЗДЫҢ ОҚЫЛУ ҮЛГІСІ
Бамдат намазы (таң намазы)
Бамдат намазы 4 рәкаттан тұрады: 2 рәкат сүннет және 2 рәкат парыз.
Бамдат намазының 2 рәкат сүннеті
Уақыт кірісімен, дәрет алып дайындық жасаймыз. Жүзімізді құбылаға қаратып, бамдат намазының екі рәкат сүннетін оқуға ниет етеміз.
1-рәкат.

НИЕТ

 
Ниет «Бамдат намазының екі рәкат сүннетін оқуға ниет еттім» – деп іштей айтылады. Жүрекпен ниет ету –  парыз, тілмен айту –  мұстахап.
ТӘКБІР
                                                          Ерлер: Екі алақанын құбылаға қаратып,            Әйелдер: Екі алақанын құбылаға қаратып,
                                              бас бармақпен құлақ қағып                                    саусақ ұштарын иықтарына  туралап
                                              «Аллаһу әкбар» деп тәкбір айтады.                        «Аллаһу әкбар» деп тәкбір айтады.
ҚИЯМ
 
                                              Ерлер: Оң қолын сол қолының үстіне қойып,       Әйелдер: Оң қолын сол қолының
                                              бас бармақ пен кішкентай саусақпен                      үстіне қойып, көкірек тұсына ұстайды.
                                              сол қолдың білегін қапсыра ұстау керек.
                                              Қос қол кіндіктен сәл төмен тұсқа байланады.
Сонан соң қатарымен төмендегілер оқылады:
1) Субханәкә
2) «Ә’узу» мен «бисмиллаһ»
3) Фатиха
4) Құраннан бір сүре немесе кем дегенде үш аят.
РҮКҮҒ
Осыдан кейін «Аллаһу әкбар» деп рүкүғке барады. Рүкүғ кезінде «субхана раббиял азим» деп үш мәрте тәсбих айтады.
                                                 Ерлер: Саусақтарының арасын ашық ұстап,      Әйелдер: Саусақтарының арасын
                                                қолды тізенің үстіне қояды.                                      ашпастан тізесіне қояды,
                                                Бас пен арқа бір деңгейде болып,                           арқасы мен тізесін біраз бүгеді.
                                                аяқты түзу ұстайды.
«Сәмиаллаһу лимән хамидаһ» деп рүкүғден тұрады. Тұрғаннан кейін«раббәнә уә ләкәл-хамд» сөзі айтылады.
СӘЖДЕ
Содан соң «Аллаһу әкбар» деп сәждеге барады.Сәждеге барарда ең алдымен тізе, сосын қол, одан кейін маңдай мен мұрын жерге тиеді. Сәждеде «субхана раббиял а’ләә» деп үш мәрте тәсбих айтады.
 
                                                            Ерлер: Сәждеде шынтақтарын ашып,    Әйелдер:Сәждеде білектерін
                                                               жерге тигізбей ұстайды.                            жерге қойып, шынтақтарын
                                                               Аяқ  ұшымен жер тірейді.                         қабырғасына жақын ұстайды.
                                                                                                                                        Аяқ ұшымен жер тірейді.
Екі сәжде арасындағы отырыс
Сонан соң «Аллаһу әкбар» деп басын сәждеден көтеріп тізерлеп  отырады. Отырғанда «субханаллаһ» сөзі айтылатындай қысқа уақыт кідіреді. Қолымыздың ұшы тізеге тиіп, санның үстіне қойылады.
 
                                                                    Ерлер: Сол аяғын жайып,                  Әйелдер:Екі аяғын оң жаққа жіберіп,
                                                                 үстіне отырады. Оң аяғын                  жартылай жамбастап жерге отырады.
                                                                 тік ұстайды.
Бұдан соң «Аллаһу әкбар» деп екінші мәрте сәждеге барады, сәждеде «субхана раббиял а’ләә» деп үш мәрте тәсбих айтады.
2- рәкат. Сәждеден тұрғанда: Алдымен басын көтеріп, сонан соң қолымен тізесін таянып «Аллаһу әкбар» деп қиямға барады.
Қиямда кезегімен төмендегілерді оқиды:
1) «Бисмиллаһ»
2) «Фатиха»
3) Құраннан бір сүре немесе ең азы үш аят
Бұдан кейін бірінші рәкаттағы секілді рүкүғ пен сәжде жасалады. Екінші сәждеден кейін «Аллаһу әкбар» деп екі сәжде арасында отырғандай ақырғы отырысқа отырады.
СОҢҒЫ ОТЫРЫС
 
Отырғанда кезегімен  төмендегілерді оқиды:
1) Әт-тахият;
2) Аллаһумма салли;
3) Аллаһумма бәрик;
4) Раббәнә әтинә
ЕКІ ЖАҚҚА СӘЛЕМ БЕРУ
 
Дұғаларын оқып болған соң «Әс-сәләәму аләйкум уа рахматуллаһ» деп, алдымен оң жақ иығына, содан соң дәл осылайша сол жағына сәлем беріп намазын тәмәмдайды.