الله الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط الخافض الرافع المعز المذل السميع البصير الحكم العدل اللطيف الخبير الحليم العظيم الغفور الشكور العلي الكبير الحفيظ المقيت الحسيب الجليل الكريم الرقيب المجيب الواسع الحكيم الودود المجيد الباعث الشهيد الحق الوكيل القوى المتين الولى الحميد المحصى المبدئ المعيد المحيى المميت الحي القيوم الواجد الماجد الواحد الصمد القادر المقتدر المقدم المؤخر الأول الأخر الظاهر الباطن الوالي المتعالي البر التواب المنتقم العفو الرؤوف مالك الملك ذو الجلال والإكرام المقسط الجامع الغني المغني المانع الضار النافع النور الهادي البديع الباقي الوارث الرشيد الصبور
+7 (7222) 52-19-11

«Асыл арна» жат ағымның жетегінде кеткен жігіт туралы фильм түсірді (ФОТО)

Терорризм мен экстремизмнің алдын алуға, ұлттық болмысымызға қайшы рухани дерттердің бет-пердесін ашуға бағытталған, дәстүрлі дінімізді, қазақы салт-санамызды дәріптейтін жаңа көркем фильм көрерменге жол тартты.

"Асыл арна" жат ағымның жетегінде кеткен жігіт туралы фильм түсірді (фото)

ФИЛЬМДЕ БАСТЫ РӨЛДЕРДІҢ БІРІН ОЙНАҒАН АЛМАТ САҚАТ. ФОТО: ӘДІЛЕТ РАХМЕТОЛЛА

Жат ағымның жетегінде кетіп, қоғамға сиыспай, оқшауланған жас жігіт. Бүлінген тағдыр, шайқалған шаңырақ. Фильмнің негізгі өзегі — осы. Бүгін Дін істері және азаматтық қоғам министрлігінің арнайы тапсырысы бойынша «Асыл арна» телерадиокомпаниясы түсірген толық метражды «Сергелдең» фильмнің арнайы көрсетілімі өтті.

"Асыл арна" жат ағымның жетегінде кеткен жігіт туралы фильм түсірді (фото)

 

Шара басында «Асыл арнаның» Бас директоры, Қазақстанның еңбек сіңірген қайраткері, ақын Мұхамеджан Тазабек сөз алып, жастарды радикализм індетінен сақтандыру үшін, теріс ағымдардың кесір сипаттарын қалың бұқараға ашып көрсету үшін көркем фильм түсіріп, көрерменге кең таратуды мақсат қылғанын айтты.

"Асыл арна" жат ағымның жетегінде кеткен жігіт туралы фильм түсірді (фото)

 

2 сағатқа жуық көрермен көз алмай көрген кинодан соң әйгілі жазушы, Мемлекеттік сыйлықтың иегері Дулат Исабеков, «Жас өркен» ЖШС бас директоры, қаламгер Жүсіпбек Қорғасбек, «Қазығұрт» баспасының директоры, ақын Темірғали Көпбаев, «Ақиқат» журналының бас редакторы Аманхан Әлім, Ғ.Мүсірепов атындағы қазақ мемлекеттік балалар мен жасөспірімдер театрының директоры, актер Сәбит Әбдіхалықов, қоғам және мемлекет қайраткерлері Асылы Осман, Амалбек Тшанов, тарих ғылымдарының докторы Талас Омарбеков, профессор Айгүл Ісмәқова, «Аbai.kz» интернет порталының бас редакторы, публицист Дәурен Қуат сынды белгілі азаматтар картина жайлы ой-пікірлерін ортаға салып, пікір білдірді.

"Асыл арна" жат ағымның жетегінде кеткен жігіт туралы фильм түсірді (фото)

 

— Бұл фильм дәл уақытында түсірілген. Бізге қазір осындай туындылар көп кажет. «Асыл арнаның» тың туындылар жасауға деген ұмтылысы қуантады. “Сергелдең” – қазақ кино тарихындағы осы бағыттағы алғашқы фильм десек те болады, — десті зиялы қауым өкілдері.

"Асыл арна" жат ағымның жетегінде кеткен жігіт туралы фильм түсірді (фото)

 

Фильмде басты рөлдерді ойнаған Алмат Сақатов, Мақсат Сәбитов, Сафуан Шаймерденов, Әйгерім Сәбитова, Әлия Даниярова, Әсет Есжан да алғашқы көрсетілімнің құрметті қонағы болды.

"Асыл арна" жат ағымның жетегінде кеткен жігіт туралы фильм түсірді (фото)

 

Айта кетейік, фильм идеясының авторы — Мұхамеджан Тазабек. Қоюшы режиссері — Жандос Құсайынов. Сценарий авторы – Мұрат Есжан. Бас операторы – Еркін Сәтенов.

"Асыл арна" жат ағымның жетегінде кеткен жігіт туралы фильм түсірді (фото)

 

Зал толы көрерменді бірде күлкіге бөлеп, бірде көзге жас үйірген «Сергелдең» фильмі алдағы уақытта республикалық “Асыл арна” телеарнасының эфирінен көрсетілетін болады.

www.nur.kz