الله الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط الخافض الرافع المعز المذل السميع البصير الحكم العدل اللطيف الخبير الحليم العظيم الغفور الشكور العلي الكبير الحفيظ المقيت الحسيب الجليل الكريم الرقيب المجيب الواسع الحكيم الودود المجيد الباعث الشهيد الحق الوكيل القوى المتين الولى الحميد المحصى المبدئ المعيد المحيى المميت الحي القيوم الواجد الماجد الواحد الصمد القادر المقتدر المقدم المؤخر الأول الأخر الظاهر الباطن الوالي المتعالي البر التواب المنتقم العفو الرؤوف مالك الملك ذو الجلال والإكرام المقسط الجامع الغني المغني المانع الضار النافع النور الهادي البديع الباقي الوارث الرشيد الصبور
+7 (7222) 52-19-11

Геодезия барлау колледжінде «Отан – отбасыдан  басталады» және Жат ағымның алдын алу мақсатында студент жастармен кездесу өтті. ФОТО

Семей қаласындағы Геодезия барлау колледжінде «Отан – отбасыдан  басталады» және Жат ағымның алдын алу мақсатында студент жастармен кездесу өтті. Жиынға Семей қалалық Қос мұнаралы орталық мешітінің наиб имамы Елбек Тасболатұлы мен Семей қалалық Бір мұнаралы Тас мешітінің наиб имамы Сәлімханұлы Айдын және Ішкі саясат бөлімінің маманы Дарын Кәукенұлы қатысты.

Қос мұнаралы орталық мешітінің наиб имамы Елбек Тасболатұлы өз сөзінде. Отанды қорғау ұлы міндет болса, осы отанды құраушы отбасы құндылығы әрбір саналы жан үшін де маңызды болмақ. «Отан – отбасыдан басталады» деп, кешегі өткен бабаларымыз артында мәні терең сөз қалдырды. Отбасының берік болуы – ел болашағының зор болуына кепіл болады. Ата-ананың тәлім-тәрбиесін егіз көріп өскен буын Отанының толыққанды саналы азаматы болып өседі. Ел игілігі үшін қызметті әрбір отбасы өз шаңырақтарынан бастаса – абзал болмақ» деді

Семей қалалық Бір мұнаралы Тас мешітінің наиб имамы Сәлімханұлы Айдын ислам негіздері, салт-дәстүрдің жастар арасында жалғасын табуы керектігін баса айтты. Ислам мемлекеті деген лаңкестің ұйымының жасап жатқан тірліктерінде исламның иісі де жоқтығын, бұл адасқан қылмыстық топ екендігіне баса назар аударды. Жастар арасында суицидтің белең алуына тоқталып сахих хадистерді жеткізді, ата-аналарға балаларының діни сауатын интернет арқылы ашамын деп жат ағымның жетегінде кетіп қалмауын қадағалауды сұрады. Тәрбие мен инабаттылық, отансүйгіштік және адамгершілікке үндейтін ислам дінінің негіздерін үлкендер өздері біліп, ақ пен қарасын айыра білсе балаларына дұрыс бағыт бере алатындығын, адасуына жол бермейтіндігін жеткізді.

Кездесу соңында тақырыпқа қатысты ҚМДБ – ның тарапынан рұқсат етілген дұрыс бағыттағы сайттарды таныстырды. Жастар өздерін толғандырып жүрген сұрақтарға тұщымды жауаптар алды.

Семей Қос мұнаралы орталық мешітінің баспасөз қызметі.