الله الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط الخافض الرافع المعز المذل السميع البصير الحكم العدل اللطيف الخبير الحليم العظيم الغفور الشكور العلي الكبير الحفيظ المقيت الحسيب الجليل الكريم الرقيب المجيب الواسع الحكيم الودود المجيد الباعث الشهيد الحق الوكيل القوى المتين الولى الحميد المحصى المبدئ المعيد المحيى المميت الحي القيوم الواجد الماجد الواحد الصمد القادر المقتدر المقدم المؤخر الأول الأخر الظاهر الباطن الوالي المتعالي البر التواب المنتقم العفو الرؤوف مالك الملك ذو الجلال والإكرام المقسط الجامع الغني المغني المانع الضار النافع النور الهادي البديع الباقي الوارث الرشيد الصبور
+7 (7222) 52-19-11

ҚМДБ ҚАЖЫЛЫҚ МИССИЯСЫНЫҢ ҚҰРАМЫ БЕКІТІЛДІ

Бас мүфти Ержан қажы Малғажыұлының бұйрығымен Қазақстан Қажылық Миссиясының негізгі құрамы бекітіліп, дін қызметкерлеріне тиісті тапсырмалар берілді.

Қажылық Миссиясына ҚМДБ Қажылық бөлімінің меңгерушісі Бейбіт Мырзагелдиев жетекшілік етеді.

Ал Уағыз-насихат тобын Шариғат және пәтуа бөлімінің бас маманы Бауыржан Әлиұлы бастап барады. Аталған топ қажылар арасында түсіндірме жұмыстарын жүргізіп, уағыз-насихат айтып, тиісті сауалдарға жауап береді. Қажылықтың парыздары мен шарттарын, әдептері мен үкімдерін тәптіштеп түсіндіру – Уағыз-насихат тобының негізгі міндеті.

Дәстүрлі дініміз бен салтымызға қайшы көзқарасын таңғысы келетін кейбір жат ағым өкілдерінің Қазақстан азаматтарына уағыз айтпауын қадағалау мақсатымен Бас мүфти кеңесшісі Дәулет Әлиханов та Миссия құрамымен сапарға шығады.

Қазақстан Қажылық Миссиясының Мекке мен Мәдина қалаларындағы орталық штабында ашылатын стационарлық пункт тәулік бойы қажыларға медициналық көмек көрсететін болады. Стационарлық пункт жұмысын дәрігер-травматолог Руслан Ізбасаров үйлестірмек.

Ал Ақпараттық-насихат тобының жұмысын ҚМДБ Баспасөз бөлімінің меңгерушісі Ағабек Қонарбайұлы мен ҚМДБ Ғаламтормен жұмыс бөлімінің меңгерушісі Мұрат Әбдіхалық жүргізеді. Ақпараттық-насихат тобының міндеті – Қажылық Миссиясының жұмыстарын жариялау, отандық ақпарат құралдарына дер кезінде мәліметтер мен ресми ақпарат жеткізу, ұлық сапардағы ғибратты оқиғаларды басылым беттеріне шығару.

Миссияның жалпы үйлестіру-ұйымдастыру жұмыстарын ҚМДБ «Tawaf travel» компаниясының директоры Жәнділла Бекжігітов пен ҚМДБ Қажылық бөлімінің бас маманы Қанат Бекжанов жүзеге асырмақ.

Айта кетейік, қажылардың алғашқы легі тамыз айының 23-інде қасиетті сапарға тікелей рейспен аттанады.

muftyat.kz