الله الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط الخافض الرافع المعز المذل السميع البصير الحكم العدل اللطيف الخبير الحليم العظيم الغفور الشكور العلي الكبير الحفيظ المقيت الحسيب الجليل الكريم الرقيب المجيب الواسع الحكيم الودود المجيد الباعث الشهيد الحق الوكيل القوى المتين الولى الحميد المحصى المبدئ المعيد المحيى المميت الحي القيوم الواجد الماجد الواحد الصمد القادر المقتدر المقدم المؤخر الأول الأخر الظاهر الباطن الوالي المتعالي البر التواب المنتقم العفو الرؤوف مالك الملك ذو الجلال والإكرام المقسط الجامع الغني المغني المانع الضار النافع النور الهادي البديع الباقي الوارث الرشيد الصبور
+7 (7222) 52-19-11

«ЗЕКЕТ» ҚОРЫ: МОБИЛДІ ҚОСЫМШАНЫҢ ТАНЫСТЫРЫЛЫМЫ ӨТТІ (ФОТО)

Астанада наиб мүфти Бауыржан қажы Әбдірашұлының төрағалығымен ҚМДБ «Зекет» қорының алқалы мәжілісі өтті. Басқосуға қордың директоры Талғат Омаров, аймақтағы өкілдері қатысты.

Кездесуде Талғат Сейіткәрімұлы «Зекет» қорының 2018 жылы атқарған жұмыстары жайлы баяндады. Қайырымдылық бағытындағы жасалған игі іс-шаралардың есебін тыңдаған наиб мүфти Б.Есмахан атқарылған ауқымды жұмыстарға оң бағасын беріп, алдағы уақытта жүзеге асуы тиіс жобаларды жоғары деңгейде ұйымдастыруды тапсырды.

«Бас мүфтиіміз Серікбай қажы Ораздың бастамасымен еліміздің рухани саласында көптеген қайырымдылық шаралар жүзеге асуда. Сіздердің белсенді қызметтеріңіздің нәтижесінде өткен жылы баспанаға аса зәру 9 отбасына пәтер кілті табысталды. 25 мыңнан астам жанұяға қайырымдылық көмек көрсетілді. Жуырда қордың мобилді қосымшасы ашылды. Бұл – өте қажет, құптарлық бастама. Өйткені, қазір ақпарат пен технологияның дамыған дәуірі. Бұл бастама садақа, зекет беруге ниет білдіруші азаматтарға қолайлы жағдай туғызады деген ойдамын. Осы бағыттағы жұмыстарды бұдан әрі дамытып, жандандыра түсуіміз тиіс», – деп атап өтті Бауыржан Әбдірашұлы.

Басқосу барысында «Зекет» қорының жуырда ғана іске қосылған мобилді қосымшасының арнайы таныстырылымы өтті.

Айта кетсек, қосымшада «зекетті есептеу», «зекет кітабы», «қор туралы», «біздің іс-шаралар», «онлайн садақа жасау», «мұқтаж жандар базасы» сынды басты мәзірлер арқылы қажетті кеңестер, ақпараттар мен мәліметтер алуға болады. Сонымен қатар, көмекке аса зәру жандардың ортақ базасы енгізілген. Онда науқастың аты-жөні, тұрғылықты мекен-жайы, медициналық анықтамалар, т.б. қажетті құжаттар жүктелген. «Онлайн садақа жасау» мәзірі арқылы аталған кісіге көмек бере аласыз.